Lidice

Lidice / Лидице

  Informacija o članke.
    Aktualizirano: nediela, 10. Jun 2012








     
    Dnes jesme d'lžni vazpomniti vsih 340 žitělev sela Lidice, ktore je bylo spaleno 10.ijuna 1942.

    Днес јесме дължни вазпомнити всих 340 житѣлев села Лидице, кторе је было спалено 10.ијуна 1942.
     
    Posle uspěšno sdějanego vojennego ubijstva na nacisticskego predsednika R. Heydricha, http://izviestija.info/index.php/istorija/229-anthropoid35 razběsněna nacisticska vlada sut nakazala spaliti i v zemju sravniti česske selo Lidice, kako exemplarny priklad i znamenije vsim, ktory by hočeli vojevati protiv nacistam.
    V městu je bylo razstrěleno 174 mužov, najstarši 84 lět i najmladši 14 lět. 16. ijuna je bylo v Pragě-Kobylisy razstrěleno drugih 26 žitělev ( 19 mužev i 7 žen).
    196 žen je bylo poslano v koncentračny lager Ravensbruck, 53 iz njih sut poginulo na sm'rtnih maršah. 81 dětat sut bylo ubito gazom v gazovih avtomobilah. 17 dětat je bylo
    dano němecskim rodinam na germanizaciju. После успѣшно сдѣјанего војеннего убијства на нацистицскего председника Р. Хеыдриха, разбѣснѣна нацистицска влада сут наказала спалити и в земьу сравнити чесске село Лидице, како ексемпларны приклад и знаменије всим, кторы бы хочели војевати против нацистам.
    В мѣсту је было разстрѣлено 174 мужов, најстарши 84 лѣт и најмладши 14 лѣт. 16. ијуна је было в Прагѣ-Кобылисы разстрѣлено других 26 житѣлев ( 19 мужев и 7 жен). 196 жен је было послано в концентрачны лагер Равенсбруцк, 53 из нјих сут погинуло на смъртних маршах. 81 дѣтат сут было убито газом в газових автомобилах. 17 дѣтат је было дано нѣмецским родинам на германизацију.

    Iracionalnost nacistov je išla tako daleko, že kromě vsih domov sut takože uničili selske grobiště, izkopanim skeletam sut vzali jih dragocennosti i zlate zuby.
    Posekali vsih selskih d'rev, v městny rybnik sut navozili glinu i kamenov, na několika městah sut preměnili tečenije potoka. Prosto izrečeno, sut udělali vse tako da by nikto v budučim ne mogl poznati kdě je selo stojalo.
    Ирационалност нацистов је ишла тако далеко, же кромѣ всих домов сут такоже уничили селске гробиштѣ, изкопаним скелетам сут взали јих драгоценности и злате зубы.
    Посекали всих селских дърев, в мѣстны рыбник сут навозили глину и каменов, на нѣколика мѣстах сут премѣнили теченије потока. Просто изречено, сут удѣлали все тако да бы никто в будучим не могл познати кдѣ је село стојало.
    Informaciju o spaleniji sela Lidice sut nacisti razglasili črez granice i ona sut razburila vsij svět. Mnogo gradov i sel iz različnih krajin (Mexiko, Brazilija, Usa, Australija) sut prijmulo
    imeno Lidice v městu svojih starih imen, kako protest protiv nacisticskemu barbarismu.
    Britanski rabotnici, gornici-kopatělji iz ugeljnih jam, sut osnovali udruženije "Lidice shall live-Lidice budut žiti" i s'brali medžu seboj grošov na postavěnije novego sela.
    O Lidicah je bylo nasnimano několiko filmov. Jedin iz najinteresnějših jest "The silent Village-Tihe selo" - film nasnimany toliko samo amaterskimi artistami v okolině welšskego ugeljno-kopatěljskego sela Cwmgiedd.
    Информацију о спаленији села Лидице сут нацисти разгласили чрез границе и она сут разбурила всиј свѣт. Много градов и сел из различних крајин (Мексико, Бразилија, Уса, Аустралија) сут пријмуло имено Лидице в мѣсту својих старих имен, како протест против нацистицскему барбарисму.
    Британски работници, горници-копатѣльи из угельних јам, сут основали удруженије "Lidice shall live - Лидице будут жити" и събрали меджу себој грошов на поставѣније новего села.
    О Лидицах је было наснимано нѣколико филмов. Једин из најинтереснѣјших јест "The silent village -Тихе село" - филм насниманы толико само аматерскими артистами в околинѣ велшскего угельно-копатѣльскего села Цвмгиeдд.

    Lidice Lives; mini-documentary


     http://www.youtube.com/watch?feature=player_embedded&v=j-V-wUkgeQw


    Posle konca vojny je bylo postavěno nove selo Lidice, ktore leži blizo starego sela. Uzemije kdě je leželo stare selo je bylo proglašeno kako kulturny narodny pametnik.
    Selo Lidice ne jest bylo jedine selo, ktore je bylo kompletno anihilovano nacistami v tečeniji vojny. I druge d'ržavy imajut svoje Lidice.
    После конца војны је было поставѣно нове село Лидице, кторе лежи близо старего села. Уземије кдѣ је лежело старе село је было проглашено како културны народны паметник.
    Село Лидице не јест было једине село, кторе је было комплетно анихиловано нацистами в теченији војны. И друге държавы имајут своје Лидице.

     http://izviestija.info/index.php/istorija/233-lidice37